10 фев 18:13
Янгиликлар

Теннис

W15 Shymkent. Шарипова яккаликларда ҳам иштирокини бошлади

Қозоғистоннинг Чимкент шаҳрида аёллар ўртасидаги ITF таснифига кирувчи "W15 Shymkent" турнири бўлиб ўтмоқда.

Бугун ҳамюртимиз Сабина Шарипова мусобақадаги илк ўйинини ўтказди.

Теннисчимиз биринчи даврада мезбонлар вакиласи Елизавета Карловага қарши кортга чиқди. 3 сет давом этган учрашувда Шарипова 7/6, 2/6, 6/0 ҳисобида ғалаба қозонди. Энди унинг 1/8 финалдаги рақиби украиналик Любовь Костенко бўлади.

Эслатиб ўтамиз, Сабина Шарипова WТА рейтингида 377, 17 ёшар рақиби Костенко эса 1115-ўринни эгаллаб турибди.

Шунингдек, Шарипова ушбу турнирда россиялик Екатерина Казионова билан биргаликда жуфтлик баҳсларида ҳам иштирок этмоқда.