11 июн 15:18
Янгиликлар

Теннис

W15 Tashkent 2. Абдураимова учталик матчболдан чиқиб кетди

Пойтахтимизда теннис бўйича W15 тоифасига кирувчи Tashkent 2 турнири бўлиб ўтмоқда.

Бироз аввал якунига етган 1/16 финал учрашувида Нигина Абдураимова ажойиб камбэкни амалга оширишга муваффақ бўлди. Ҳамюртимиз беларуслик Дарья Хомуцянскаяга қарши кечган 2 соату 46 дақиқалик уч сетдан иборат учрашувда учталик матчболдан чиқиб кетди - 7/5, 2/6, 7/5.

Таққослаш учун, мамлакатимизнинг иккинчи ракеткаси айни пайтда WTA рейтингида 974, Хомуцянская эса роппа-роса 900-поғонадан жой олган. Бу теннисчиларнинг ўзаро ўтказган илк учрашуви бўлди.

Эртага Нигина турнирнинг биринчи ракеткаси, россиялик Екатерина Рейнгольдга қарши кортга чиқади. Дунёнинг 479-ракеткаси бўлиб турган Рейнгольд бугун биринчи даврада рейтингнинг 1202-поғонасида бораётган ватандоши Кира Батайкинадан 6/4, 6/4 ҳисобида устун келди.