09 янв 18:43
Янгиликлар

Бокс/ММА

WBA чемпиони Армандо Ресендис Бектемир Мелиқўзиев ўрнига бошқа боксчи билан жанг қилиш ниятида — манба

Проф бокснинг супер ўрта вазн тоифасида WBA йўналиши бўйича жаҳон чемпиони, мексикалик Армандо Ресендис илк ҳимоя жангини кимга қарши ўтказиши ҳақида маълумотлар тарқалди.

ESPN нашри мухбири Сальвадор Родригеснинг хабар беришича, Ресендис илк ҳимоя жангини мажбурий даъвогар бўлиб турган ўзбекистонлик Бектемир Мелиқўзиевга қарши эмас, ихтиёрий равишда ўз ҳамюрти Хайме Мунгияга қарши ўтказмоқчи.

Ҳозирда айнан мазкур жангни ташкил этиш бўйича музокаралар олиб борилаётгани айтилмоқда.

Аввалроқ, Бектемир Мелиқўзиевнинг менежери Алик Фролов ҳам Ресендиснинг юртдошимиз билан жанг қилмоқчи эмаслигини айтиб ўтганди.