WBА Жервонта Дэвис - Роландо Ромеро жангини расман тасдиқлади

Енгил вазн тоифасидаги Жервонта «Танк» Дэвис (26-0, 24 КО) ва Роландо Ромеро (14-0, 12 КО)энг кучлиларни аниқлаш учун рингга чиқади. Ҳар ҳолда, кечаги кундан бошлаб уларнинг қийин муносабатларига янги туртки берилди. Душанба куни Бутунжаҳон бокс ташкилоти (WBА) WBА йўналиши рейтингнинг биринчи рақамли боксчиси Дэвис билан собиқ вақтинчалик чемпион Ромеро ўртасидаги жангни расман белгилади. Боксчилар ҳам, уларнинг жамоалари ҳам жанг шартларини келишиб олишлари учун 30 кун вақтлари борлиги ҳақида аллақачон хабардор қилинган. Агар келишув 24 февралгача тузилмаса, жанг ташкилотчиси промо-аукционда аниқланади.

Эслатиб ўтамиз, Дэвис ва Ромеро ўтган йилнинг 5 декабрь куни жанг қилишлари керак эди. Бироқ, жинсий зўравонлик айбловлари туфайли Роландо жангни тарк этишга мажбур бўлди ва Жервонта Исаак Крузга қарши жанг қилди ва жуда қийинчилик билан очколар ҳисобида ғалаба қозонди. Яқинда Ромеро барча айбловлардан оқлангани маълум бўлди.

Аввалроқ Дэвиснинг мураббийи Ломаченко билан жангни интиқлик билан кутишаётганини айтди.