WBC Мэнни Пакьяо учун ҳам чемпионлик жангини бермоқчи

Тахминларга кўра, 45 ёшли филиппинлик чарм-қўлқоп устасининг рақиби америкалик Марио Барриос бўлади.

"Менни Пакяо абадийдир. У афсона. Бизда собиқ чемпионлар барча тиббий кўриклардан муваффақиятли ўтишлари шарти билан қайтишлари учун ажойиб шароитлар мавжуд. Менга бу фикр жуда ёқади. Унда WBC чемпионлиги учун жанг қилиш имконияти бор. Менимча, Пакьяо исталган рақибни мағлуб эта олади. Ҳеч бўлмаганда у билан рақобатлаша олади", дея Сулейманнинг сўзларини келтиради Sky Sports нашри.

Маълумот ўрнида, Пакьяо профессионал рингда 62 та ғалаба (39 та нокаут), 8 та мағлубият (3 та нокаут) ва иккита дуранг қайд этган. 2021 йилда у Ёрденис Угасга ютқазиб қўйган, шундан сўнг у профессионал жанг ўтказмаган. 29 ёшли Барриос эса карьераси давомида 29 та ғалаба (18 та нокаут) ва иккита мағлубиятни (1 таси нокаут билан) ўз ҳисобига ёздирган.