WBO Ломаченкога чемпионлик учун жанг қилиш имконини беради

WBO ижроия қўмитаси украиналик машҳур боксчига чемпионлик учун жанг ўтказишга имкон бермоқчи. Ломаченко жорий йилнинг кузида рингга қайтишни режалаштирмоқда. Унинг эҳтимолий рақиби сифатида биринчи енгил вазн тоифасида WBO ва IBF чемпиони Эмануэль Наваррете айтилмоқда.

"Ломаченко қайтмоқда ва агар у Наваррете билан биринчи енгил вазн тоифасида жанг қилишни истаса, ишончим комилки, ижроия қўмитаси расмий сўров олган тақдирда, Олимпия чемпиони, бир неча вазн тоифасида жаҳон чемпиони, WBO суперчемпиони  Василийнинг хизматлари асосида камар учун жангни бир овоздан маъқуллайди", - деди Оливьери.

Эслатиб ўтамиз, боксчининг ўзи ҳали рингга қайтиши ҳақида ҳеч қандай расмий изоҳ бермаган. Наваррете билан жанг ҳақидаги маълумотлар эса инсайдерларнинг хабарларига асосланган.