World Boxing. Бугун 7 нафар боксчимиз финалда рингга кўтарилади (жуфтликлар)

Бугун мусобақанинг олтинчи куни финал жанглари ўтказилади. Ўзбекистон терма жамоасининг 7 нафар боксчиси ҳам бугунги финал жангларида рингга чиқади. Уларнинг иккиси қозоғистонлик боксчилар билан тўқнаш келади. 

Бугунги финал жанглари бизнинг вақт билан соат 22:00да бошланади. Ўзбекистонлик боксчиларнинг иштирокини тахминан соат 23:00да Асилбек Жалилов иштирокидаги жанг бошлаб беради. -50 кг вазндаги чарм қўлқоп устамиз франциялик Ники Куммингсга қарши рингга кўтарилади. 

Бугун Жаҳон кубогида жанг қиладиган боксчиларимиз:

-50 кг: Асилбек Жалилов - Ники Куммингс (Франция) 23:00

-75 кг: Фазлиддин Эркинбоев - Кауе Белини (Бразилия) 23:30

-85 кг: Акмалжон Исроилов - Даулет Тулемиссов (Қозоғистон) 23:45

-90 кг: Тўрабек Ҳабибуллаев - Исаак Окоҳ (Англия) 00:00

-55 кг: Миразизбек Мирзахалилов - Нурсултан Алтинбек (Қозоғистон) 04:00

-80 кг: Жавоҳир Умматалиев - Вандерлей Перрейра (Бразилия) 04:45

+90 кг: Жаҳонгир Зокиров - Дамар Томас (Англия) 05:00