World Boxing. Бугун яна уч боксчимиз финал чиптаси учун рингга чиқади

Мусобақанинг бешинчи кун дастурида 3 нафар боксчимиз 1/2 финал жангларида рингга чиқади. Жаҳон чемпиони Миразизбек Мирзахалилов гватемалалик Жосе Фелипега қарши жанг ўтказади. Айнан у боксчиларимизнинг бугунги иштирокини бошлаб беради. Ушбу жанг бизнинг вақт билан эртага тонг саҳарда, соат 03:15да бошланади. 

Боксчиларимиз иштирокидаги жанглар:

-55 кг: Миразизбек Мирзахалилов - Жосе Фелипе (Гватемала) соат 03:15

-80 кг: Жавоҳир Умматалиев - Диас Молжигитов (Қозоғистон) 04:00

-85 кг: Акмалжон Исроилов - Якуб Страшевски (Польша) 04:45

Эслатиб ўтамиз, кеча Париж-2024 Олимпиадаси иштирокчиси Тўрабек Ҳабибуллаев (-90 кг), энг оғир (+90 кг) вазндаги чарм қўлқоп устамиз Жаҳонгир Зокиров, Асилбек Жалилов (-50 кг) ва Фазлиддин Эркинбоев (-75 кг) рақибларини мағлуб этиб, финалга йўл олганди.