WTA Finals. Аманда Анисимова Свёнтекни мусобақадан чиқариб юборди

Асли келиб чиқиши россиялик бўлган Аманда гуруҳ босқичининг сўнгги учрашувида дунёнинг иккинчи ракеткаси польшалик Ига Свёнтекни уч сет натижасига кўра мағлубиятга учратди - 6/7(3), 6/4, 6/2. Аманда теннисчиларнинг ўзаро учрашувлари ҳисобида олдинга чиқиб олди - 2:1.

Икки соату 34 дақиқа давом этган баҳсда Свёнтек 4, Анисимова 3 та эйс зарбани амалга оширган. Қўшхатолар Игада кўпроқ бўлди - 4 га 2. Брейклар бўйича Анисимова мутлақ устунлик қилди - 3 га 0. Серена Уильямс номли гуруҳда 3 та учрашувдан 2 тасида ғалаба қозонган Аманда иккинчи ўрин билан 1/2 финалга йўл олди.