08 ноя 10:33
Янгиликлар

Теннис

WTA Finals. Елена Рибакина биринчи финалчи!

Қозоғистонлик теннис маликаси Ар-Риёд (Саудия Арабистони) шаҳрида ўтказилаётган Якуний WTA турнирининг илк финалчисига айланди.

Дунёнинг олтинчи ракеткаси бўлиб турган Рибакина 1/2 финалда WTA рейтингида ўзидан бир поғона юқорида бораётган америкалик Жессика Пегулани уч сет натижасига кўра иродали тарзда мағлубиятга учратди - 4/6, 6/4, 6/3. Елена бу ғалабаси билан теннисчиларнинг ўзаро учрашувларидаги ҳисоб мувозанатини ҳам тиклаб қўйди - 3:3.

Икки соату етти дақиқа давом этган баҳсда Рибакина 15, Пегула эса 1 тагина эйс зарбасини амалга оширди. Қўшхатолар 5 га 1 кўринишида Елена "фойдаси"га бўлди. Брейклар бўйича ҳам айнан ғолиб теннисчи устунлик қилди - 5 га 4. Рибакина фаолиятида илк бор WTA Finals бош соврини учун кортга чиқади.