07 ноя 08:47
Янгиликлар

Теннис

WTA Finals. Каролин Гарсия илк финалчи

АҚШнинг Форт-Уэрт шаҳрида ўтказилаётган теннис бўйича Якуний WTA турнири ҳал қилувчи паллага кирди.

Дунёнинг олтинчи ракеткаси Каролин Гарсия нуфузли мусобақанинг илк финалчисига айланди. Франциялик теннисчи 76 дақиқа давом этган ярим финалда рейтингда ўзидан бир поғона юқорида турган грециялик Мария Саккарини ортиқча қийинчиликсиз мағлубиятга учратди - 6/3, 6/2.

Теннисчиларнинг ўзаро учрашувларидаги ҳисоб 3:0 кўринишига келди. Гарсия 6 та эйс, 1 та қўшхато, 4 та брейк қайд этди.