05 ноя 08:55
Янгиликлар

Теннис

WTA Finals. Соболенко иккинчи учрашувида ҳам зафар қучди + ФОТО

Дунёнинг биринчи ракеткаси Арина Соболенко Саудия Арабистонининг Ар-Риёд шаҳрида ўтказилаётган WTA Якуний турниридаги муваффақиятли одимини давом эттирмоқда.

Беларуслик теннис маликаси Штеффи Граф номидаги гуруҳнинг иккинчи учрашувида ҳам ғалаба қозонди. Арина WTA рейтингида бешинчи ўринни эгаллаб турган америкалик Жессика Пегуладан уч сет натижасига кўра устун келди - 6/4, 2/6, 6/3. Теннисчиларнинг ўзаро учрашувларидаги ҳисоб Соболенко фойдасига янада йириклашди - 9:3.

Икки соату тўрт дақиқа давом этган баҳсда Соболенко 4, Пегула 3 та эйс зарбасини амалга оширган. Қўшхатолар Аринада уч баробар кўпроқ бўлди - 6 га 2. Брейклар бўйича эса мутлақо тенглик кузатилди - 4 тадан. Арина икки ғалаба эвазига гуруҳда пешқадамлик қилмоқда. Пегула 1 ғалаба ва 1 мағлубият билан иккинчи поғонадан жой олган.