WTA International. Бугун Шарипова дунёнинг 40-ракеткасига қарши кортга чиқади

Соврин жамғармаси 250 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам муваффақиятли иштирок этяпти. Мамлакатимизнинг биринчи ракеткаси саралаш мусобақасида россиялик Марина Мельниковани 6:3, 6:4, хитойлик Лу Цзя-Цзинни 6:3, 6:1 ҳисобида мағлуб этиб, асосий тўрга йўл олган эди.

Бугун вакиламиз асосий тўрнинг илк даврасида турнирнинг иккинчи, дунёнинг 40-ракеткаси бўлган хитойлик Чжан Шуайга қарши кортга чиқади. Теннисчилар шу кунгача ўзаро тўқнаш келишмаган. Сабина WTA рейтингида 135-ўринни эгаллаб турибди. 

Маълумот учун, украиналик мафтункор теннисчи Элина Свитолина WTA International мусобақасининг биринчи рақамли теннисчиси сифатида ҳаракат қилади. Шарипова - Чжан баҳси Тошкент вақт билан соат 15:00да бошланади.