WTA International. Шарипованинг рақибаси маълум, Свитолина мусобақанинг биринчи ракеткаси

Соврин жамғармаси 250 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам муваффақиятли иштирок этяпти. Мамлакатимизнинг биринчи ракеткаси саралаш мусобақасида аввалига россиялик Марина Мельниковани 6:3, 6:4, кейин эса хитойлик Лу Цзя-Цзинни 6:3, 6:1 ҳисобида мағлуб этди.

Қуръа натижасига кўра, вакиламиз энди асосий тўрнинг илк даврасида турнирнинг иккинчи, дунёнинг 45-ракеткаси бўлган хитойлик Чжан Шуайга қарши кортга чиқади. Теннисчилар шу кунгача ўзаро тўқнаш келишмаган. Сабина WTA рейтингида 135-ўринни эгаллаб турибди.

Маълумот учун, украиналик мафтункор теннисчи Элина Свитолина WTA International мусобақасининг биринчи рақамли теннисчиси сифатида ҳаракат қилади. Дунёнинг бешинчи ракеткаси ҳисобланган Элина мезбонлар вакили Присцилла Хонга қарши кортга чиқади.