WTA рейтинги. 208 поғонага пастлаган Нигинадан бошқа барча теннис маликаларимиз сезиларли даражада юқорилади

Янгиланган рейтингда ҳамон беларуслик Арина Соболенко жуда катта тафовут билан пешқадамликни давом эттирмоқда. Америкалик Коко Гофф иккинчи ўринни сақлаб қолди. Уимблдон турнири чемпиони Ига Свёнтек кучли учликни якунлаб турибди. Топ-10 рейтингида бир нечта ўзгариш кузатилди. Мэдисон Киз 8-поғонадан 6-ўринга кўтарилиб олди. 

Қозоғистонлик Елена Рибакина 2 поғонага юқорилаб, Топ-10`га қайтди. Монреаль WTA 1000 турнири чемпиони, канадалик 18 ёшли Виктория Мбоко 61 поғонага кўтарилиб, фаолиятида илк бор дунёнинг 24-ракеткасига айланди. Финалда Мбокога ютқазган япониялик Наоми Осака 24 ўринга юқорилаб, рейтингнинг 25-поғонасига жойлашди. 

Янгиланган рейтингда 6 нафар теннис маликамиздан биргина Нигина Абдураимова пастлади. Тажрибали теннисчимиз 208 поғона қуйига шўнғиш баробарида Ўзбекистоннинг иккинчи ракеткаси мақомини Дарья Шубинага топширди. У энди мамлакатимизнинг учинчи рақамли теннисчиси. Биринчи ракеткамиз Влада Якшибарова 6, иккинчи рақамли теннисчимизга айланган Шубина 17, Милана Масленкова 16, Сабрина Олимжонова 14, Диана Яковлева 20 поғонага кўтарилди. 

WTA рейтинги. 9 август кунги ҳолат:

1 (1) Арина Соболенко (Беларусь) - 12010

2 (2) Коко Гофф (АҚШ) - 7669

3 (3) Ига Свёнтек (Польша) - 6933

4 (4) Жессика Пегула (АҚШ) - 5488

5 (5) Мирра Андреева (Россия) - 4948

6 (8) Мэдисон Киз (АҚШ) - 4579

7 (6) Чжэн Циньвэнь (Хитой) - 4553

8 (7) Аманда Анисимова (АҚШ) - 3834

9 (9) Жасмине Паолини (Италия) - 3586

10 (12) Елена Рибакина (Қозоғистон) - 3283

Ўзбекистонлик теннисчиларнинг WTA рейтингидаги ўрни:

871 (877). Влада Якшибарова – 28 

1223 (1240). Дарья Шубина – 9 

1259 (1051). Нигина Абдураимова – 8  

1264 (1280). Милана Масленкова – 8 

1388 (1402). Сабрина Олимжонова – 5 

1407 (1427). Диана Яковлева – 4