WTA рейтинги. Абдураимова даҳшатли тарзда пастлади, у тез орада Топ-1000`ни тарк этса керак

Янгиланган рейтингда ҳамон беларуслик Арина Соболенко катта фарқ билан пешқадамлик қиляпти. У куни кеча Германиянинг Штутгарт шаҳрида якунига етган турнирнинг финалида латвиялик Елена Остапенкога имкониятни бой бериб қўйганига қарамай, ўз ҳисобига қимматли очколарни қўшиб олди. Польшалик Ига Свёнтек иккинчи, америкалик Жессика Пегула учинчи ўринни банд этган. Топ-10`талик рейтингда битта ўзгариш кузатилди. Қозоғистонлик Елена Рибакина 10-ўриндан 11-поғонага пастлади.  

Янгиланган рейтингда тўрт теннисчимиздан уч нафари ўз ўрнида қолди. Милана Масленкова бир поғонага юқорилади. Мамлакатимизнинг биринчи ракеткаси Нигина Абдураимова икки ҳафтада 145 поғонага пастлаганди.  Янги рейтингда у яна 114 ўринга тушди ва ҳозирда WTA рейтингида 825-поғонани эгаллаб турибди. Нигина 17 очко йўқотди. Влада Якшибарова ва Сабрина Олимжонова ўтган ҳафтадаги ўринларини сақлаб қолишди.

WTA рейтинги. 22 апрель кунги ҳолат:

1 (1). Арина Соболенко (Беларусь) - 10 768 очко

2 (2). Ига Свёнтек (Польша) - 7383.

3 (3). Жессика Пегула (АҚШ) - 6208.

4 (4). Коко Гофф (АҚШ) - 6073.

5 (5). Мэдисон Киз (АҚШ) - 4999.

6 (6). Жасмине Паолини (Италия) - 4930.

7 (7). Мирра Андреева (Россия) - 4781.

8 (8). Чжэн Циньвэнь (Хитой) - 4193.

9 (9). Паула Бадоса (Испания) - 3821.

10 (11). Эмма Наварро (АҚШ) - 3797.

11 (10). Елена Рибакина (Қозоғистон) - 3308…

Ўзбекистонлик теннисчиларнинг WTA рейтингидаги ўрни:

825 (711). Нигина Абдураимова – 32 (-17)

908 (908). Влада Якшибарова – 25

1350 (1351). Милана Масленкова – 5

1373 (1373). Сабрина Олимжонова – 4