WTA рейтинги. Иккинчи ракеткамиз ўзгарди. Вице-чемпионлигини ҳимоя қила олмаган теннисчимиз 349 очко йўқотди

Янгиланган рейтингда Россиядан маҳаллийлаштирилган теннис маликаларимиздан икки нафари кўтарилди. Биринчи ракеткамиз Камилла Раҳимова 6 поғонага юқорилаб, 91-ўринга жойлашди. Ўтган йили Брисбен турнири финалида Арина Соболенкога ютқазиб, вице-чемпионга айланган Полина Кудерметова бу йилги мусобақада қатнашмади ва бунинг ортидан 349 очко йўқотди. Полинанинг 63 ўринга пастлаши натижасида  яна бир маҳаллийлаштирилган теннисчимиз Мария Тимофеева иккинчи ракеткамизга айланиб олди. У 5 поғонага кўтарилди. 

Қолган теннисчиларимизга тўхталадиган бўлсак, тўртинчи ракеткамиз Литвадан маҳаллийлаштирилган Лайма Владсон ҳамда Влада Якшибарова ўтган ҳафтадаги ўринларида ўзгаришсиз қолишди. Севиль Юлдашева 4, Милана Масленкова 3, Нигина Абдураимова эса 68 поғонага пастлаган. Диана Яковлева 1 ўринга ҳолатини яхшилаб олди.

Дунё теннисчиларининг Топ-10`талигида битта ўзгариш кузатилди. Америкалик Аманда Анисимова ватандоши Коко Гофф билан ўрин алмашиб олди. Аманда энди сайёрамизнинг учинчи ракеткаси. Рейтингда ҳамон беларуслик Арина Соболенко катта фарқ билан пешқадамлик қилмоқда. Иккинчи ўриндан польшалик Ига Свёнтек жой олган. 

WTA рейтинги. 5 январь кунги ҳолат:

1. (1) Арина Соболенко (Беларусь) - 10490 очко

2. (2) Ига Свёнтек (Польша) - 8178

3. (4) Аманда Анисимова (АҚШ) - 6287

4. (3) Коко Гофф (АҚШ) - 6273

5. (5) Елена Рибакина (Қозоғистон) - 5850

6. (6) Жессика Пегула (АҚШ) - 5583

7. (7) Мэдисон Киз (США) - 4335

8. (8) Жасмин Паолини (Италия) - 4236

9. (9) Мирра Андреева (Россия) - 4125

10. (10) Екатерина Александрова (Россия) - 3375...

Ўзбекистонлик теннисчиларнинг WTA рейтингидаги ўрни:

91 (97). Камилла Раҳимова – 802

138 (143). Мария Тимофеева – 513

104 (104). Полина Кудерметова – 410 (-349)

880 (880). Лайма Владсон – 30

1070 (1070). Влада Якшибарова – 16  

1197 (1194). Милана Масленкова – 11 

1276 (1272). Севиль Юлдашева – 8

1390 (1322). Нигина Абдураимова – 5 (-2)  

1477 (1478). Диана Яковлева – 3