Хабиб 2020 йилнинг муваффақиятли спортчилар "Топ-10"талигига кирди

Топ-10 рейтингига назар ташласак, ушбу рўйхатдан бокс ва аралаш яккакураш вакилларининг уч нафари жой олганига гувоҳ бўламиз. Рейтингнинг иккинчи поғонасидан енгил вазнда UFC чемпиони Хабиб Нурмагомедов жой олган. Доғистонлик енгилмас чемпион жорий йилда битта жанг ўтказди ва унда Жастин Гэтжини муддатидан аввал мағлубиятга учратди.

Учинчи ўринни супероғир вазн тоифасида WBC чемпиони Тайсон Фьюри эгаллаб турибди. Британиялик боксчи якунланиб бораётган йилнинг февраль ойида Деонтей Уайлдерни енгиб, WBC камарини қўлга киритганди. Топ-10 рейтингини енгил вазнда мутлақ жаҳон чемпиони Теофимо Лопес якунлаб берган. У шу йил октябрь ойида Василий Ломаченкони таслим этиб, рақибининг учта чемпионлик камарини тортиб олган эди. 

Рейтингда биринчи ўринни "Лос-Анжелес Лейкерс" клубининг афсонавий баскетболчиси Леброн Жеймс банд этган.