17 дек 09:13
Янгиликлар
Бокс/ММА
Хабиб: "Агар Оливейра ва Махачев кейинги жангларда ҳам ғалаба қозонса, улар 2022 йил охирида ўзаро жанг қилишади"
UFC енгил вазни собиқ чемпиони Хабиб Нурмагомедов ҳозирги чемпион Чарлз Оливейра ва Ислам Махачев ўртасида ташкил этиладиган эҳтимолий жанг ҳақида фикр билдирди.
"Бу жуда қизиқарли жанг. Агар улар кейинги жангларда ҳам ғалаба қозонса, улар 2022 йил сўнггида ўзаро жанг қиладилар. Бу жуда ажойиб қарама-қаршилик, худди Тони Фегюсон - Хабиб қарама-қаршилиги каби.
У ҳозир ғалабали серия қайд этяпти. Оливейрада ҳозир кетма-кет 10 та ғалаба бор. Агар Ислам ғалаба қозонса, унда ҳам ғалабали серия сони 10 тага етади, Чарлзда эса 11 та бўлиши мумкин. Бу нафақат спортчилар, балки UFC учун ҳам ажойиб жанг бўлади.
Уларнинг ғалаба қозонишини ва кейинги йил охирида жанг қилишини истайман. Шунингдек, Жастин Гэтжи ҳақида ҳам унутманг. У жуда яхши", - деди Нурмагомедов.
Эслатиб ўтамиз, Махачев 27 февраль куни Бениэль Дариушга қарши жанг ўтказади.
Ҳавола :
Манба : ESPN
Фикрлар