06 апр 10:31
Янгиликлар

Бокс/ММА

Хабиб аниқ бўлмайди! Уайт UFC 249 турнири ўтказилишини тасдиқлади

UFC президенти Дана Уайт узил-кесил барчани қизиқтирган саволга жавоб берди.

Уайтнинг айтишича, 18 апрель кунига белгиланган UFC 249 турнири ўз вақтида аниқ ўтказилади. Лекин оқшомнинг марказий жанги енгил вазн тоифасида амалдаги жаҳон чемпиони Хабиб Нурмагомедовсиз ўтади.

Дана Уайт машҳур инсайдер Ариэль Хельвани билан Twitter саҳифасида мулоқот уюштирди ва суҳбат чоғида Хабибнинг АҚШга учиб келиши ҳақидаги хабар ёлғон эканини урғулади.

"Ёлғон! Турнир ўтказилади, лекин унда Хабиб бўлмайди. Эртага жанглар рўйхатини эълон қиламан", - деди Уайт.