05 апр 14:53
Янгиликлар

Бокс/ММА, Футбол

Хабиб "Атлетико" - "Барселона" ўйинига ташриф буюрди ва мадридликлардан совға олди + ФОТО

Россиялик 37 ёшли собиқ UFC чемпиони, ҳозирда промоушеннинг Шон-шуҳрат зали аъзоси Хабиб Нурмагомедов кеча Ла Лига доирасида "Атлетико" ва "Барселона" (1:2) ўртасидаги ўйинга ташриф буюрди.

Хабиб мадридликларга учрашувга таклиф учун миннатдорлик билдирди. Ўз ўрнида "матрасчилар" раҳбарияти Нурмагомедовга 7-рақамли "Атлетико" футболкасини совға қилди.

"Атлетико" ва "Барселона" ўртасидаги ўйин Мадриддаги "Сивитас Метрополитано" стадионида бўлиб ўтди. Мезбонлар сафида Жулиано Симеоне ўз ҳисобига гол ёздириб қўйган бўлса, каталонияликлар Маркус Рэшфорд ва Роберт Левандовскининг голлари эвазига муҳим ғалабани тантана қилишди.