04 апр 08:49
Янгиликлар

Бокс/ММА

Хабиб: Бу жангдан ҳеч ким менчалик пул йўқотгани йўқ!

Россиялик аралаш қоидалар юлдузи Хабиб Нурмагомедов Тони Фергюсонга қарши ўтказилмай қолган жангдан хафа эканини маълум қилди.

"Тушунаман, мухлисларнинг кайфияти тушиб кетди. Бу нафақат мухлисларнинг, балки ўзимнинг орзуимдаги жанг ҳам эди. Мен бу жангдан кўп нарса ютқаздим. Жуда катта пулдан қуруқ қолдим. Ҳеч ким менчалик кўп пул йўқотмади. Мен ҳали ҳам бу жангга тайёрман. Октагонга чиқишни хоҳлайман. Бу UFC тарихидаги энг катта жанг бўлиши керак эди", - дея ESPN каналига интервью берган Нурмагомедов .

Маълумот учун, 31 ёшли Хабиб Нурмагомедов ММАда жами 28 та жанг ўтказиб, уларнинг барчасида ғалаба қозонган. Унинг UFCдаги ғалабалари сони 12 тани ташкил этади. 36 ёшли Фергюсон ҳам ММАда 28 та жанг ўтказган бўлиб, уларнинг 25 тасида ғалабага эришган. Ҳисобида 3 та мағлубият бор.