Хабиб Царукяннинг Путин унга спорт зали қуришда ёрдам бергани ҳақидаги сўзларини рад этди

Бир кун аввал "PBD" подкастида Царукян Россия Федерациясидаги спортчилар ва давлат ўртасидаги муносабатлар ҳақида шундай деганди: "Ҳатто Хабибга ҳам спорт зали учун пул тўлашган. Владимир Путин унга спорт зали қуришда ёрдам берди. Масалан, чемпионликка эришиб, ўз спорт залингни қурмоқчи бўлсанг, қурилишга пул беришади. Агар сен жангчи ёки курашчи бўлсанг, Россия ҳукумати ғамхўрлик қилади, чунки сен мамлакат учун нимадир қиляпсан.

"Бу мутлақо ҳақиқатга тўғри келмайди. Ҳеч ким ҳеч қачон менинг ҳисоб-китобларимни тўламаган ва мен учун спорт заллари қурмаган", - дея изоҳ берди Нурмагомедов ижтимоий тармоқдаги саҳифасида. 

Эслатиб ўтамиз, Хабиб Нурмагомедов Доғистоннинг Цумадин туманидаги ўзи туғилиб ўсган Силди қишлоғида замонавий спорт базаси қурилишини ўз маблағлари ҳисобидан ташкил этган ва молиялаштирган. Бу ерда бир вақтнинг ўзида юзга яқин спортчи яшаши ва шуғулланиши мумкин. Қурилиш етти йил давом этган ва тахминан ярим миллиард рублга тушганди.