05 сен 14:17
Янгиликлар

Бокс/ММА

Хабиб энг ёқтирган журналисти кимлигини айтди

Енгил вазнда собиқ UFC чемпиони Хабиб Нурмагомедов ўзи учун энг яхши россиялик журналист ким деган саволга жавоб берди.

"Бу Владимир Познер. Мен унинг жиддий инсонлар билан уюштирган жуда кўп суҳбатларини кўрганман. Унинг суҳбатдошлари ҳамиша ёши улуғ, ҳаётда шахс сифатида шаклланган жиддий инсонлар бўлиб келган. Познернинг саволларини эшитиш мен учун завқ бағишлаган. У ўз саволлари билан сизни руҳий синдиришга уринади ва мен буни ҳамиша ҳис қилиб турганман. Унинг интервью масаласидаги сўровларини бажонидил қабул қиламан. Бу суҳбат ўзим учун ҳам қизиқ бўлади", - деди Нурмагомедов.

Эслатиб ўтамиз, 87 ёшли Владимир Познер бир неча йиллардан бери Россия Биринчи каналида эфирга узатиладиган "Познер" муаллифлик кўрсатувининг бошловчиси ҳисобланади.