Хабиб Фаластинни оммавий қўллаб-қувватлаш ортидан бир нечта ҳомийларини йўқотганини айтди

"Одамларнинг 90 фоизи Исроилнинг Фаластин халқига нисбатан сиёсати геноцид эканлигини билади. Энг катта масъулият - ҳеч бўлмаганда бу ҳақда одамларга сўзлаб бериш. Яхши, балки сиз ҳеч нарса қила олмассиз, лекин жим турманг. Мен буни спортчи нуқтаи назаридан айтаман. Тасаввур қилинг, сиз бу ҳақда пост қилсангиз ёки гапирсангиз, шартномалар, миллион долларлик ҳомийликларни йўқотасиз. Кўпгина ҳомийлар Фаластинни қўллаб-қувватлайдиган баъзи спортчилар билан ишлашни истамайди. Қўллаб-қувватлашни унутинг, улар шартномаларни бекор қилишади. Мен билан бундай бўлмаган деб ўйлайсизми? Ёки Ислам Махачев ё Усмон Нурмагомедов биланми? Бизда ҳам шундай бўлган. Биз ҳам кўп пул йўқотдик. 

Аммо инсон ҳаёти билан солиштирганда, ишонинг пул ҳеч нарса эмас", - деди Нурмагомедов Нью-Жерсида мухлислар билан учрашув чоғида.