Хабиб Фергюсоннинг мағлубиятига муносабат билдирди

Тони бугун UFC 249 турнирининг марказий жангида Жастин Гэтжига техник нокаут эвазига имкониятни бой берди. 

"No coment (Изоҳсиз, без комментариев)", - дея жанг якунланиши билан ўзининг "Твиттер" саҳифасида хабар қолдирди Нурмагомедов.

UPD. У орадан бироз вақт ўтиб Инстаграм орқали яна бир хабар қолдирди. 

"Бу спортда, айниқса ушбу вазнда доимо оч шерлар бўлади. Улар сени пойлашади ва озгина бўшашсанг барчаси тамом бўлади. Улар кетишади ва бошқалари келишади. Бунинг ҳайрон қоладиган ери йўқ. Лекин мен зарбадан олдин йиқилмайман. Биз ҳали жанг қиламиз", - деб ёзди Нурмагомедов. 

Бугунги ғалабаси эвазига Жастин Гэтжи вақтинчалик UFC чемпионлик камарини қўлга киритди. Бу вазнда тўлақонли чемпион эса айнан Хабиб Нурмагомедов. Энди жуда катта эҳтимол билан Гэтжи - Хабиб жанги бўлиб ўтади.