31 июл 12:46
Янгиликлар
Бокс/ММА
Хабиб Ислам Махачевнинг чемпионлик жангига тайёргарлигига баҳо берди
UFC Шон-шараф зали (Hall of Fame) аъзоси Хабиб Нурмагомедов ижтимоий тармоқларда UFC`нинг ярим ўрта вазн тоифасидаги амалдаги чемпиони Ислам Махачевнинг ирландиялик Иан Гарри билан бўлажак чемпионлик жангига тайёргарлик жараёнидан олинган суратларни жойлаштирди.
Махачев ва Гарри ўртасидаги жанг 16 август куни тонгида АҚШнинг Филадельфия шаҳрида бўлиб ўтадиган UFC 330 турнирининг марказий воқеаси бўлади. Россиялик спортчи учун бу ярим ўрта вазн тоифасидаги илк чемпионлик ҳимояси ҳисобланади.
"Жуда қаттиқ тайёргарлик кўряпти", — деб изоҳ қолдирди Нурмагомедов суратларга.
Ислам Махачев ҳозирда 34 ёшда. Доғистонлик спортчи жанговар самбо бўйича Россия ва жаҳон чемпиони бўлган, 2010 йилдан буён ММА қоидалари бўйича чиқиш қилади. У UFC`даги дебютини 2015 йилда ўтказган. 2022 йилда ташкилотнинг енгил вазн (70 кг гача) тоифасида чемпион бўлган ва тўрт марта камарини муваффақиятли ҳимоя қилган, 2025 йилда эса ярим ўрта вазн тоифасида чемпионликни қўлга киритган.
Ҳавола :
Манба : championat.com
Фикрлар