Хабиб: "Ислам ўз вазнида дунёнинг энг зўри бўлади"

"Бу йигит 20 йилдан буён кўз ўнгимда улғаймоқда. Мен уни деярли бутун ҳаётим давомида кузатдим. Унда чемпионлик руҳи бор. Аввал айтганимдек, бу мусобақада уч тоифа вакиллари мавжуд. Булар: оддий жангчилар, чемпионлар ва элита қатламидир.

Мен Исламнинг элита қатлами жангчиси бўлишига чин юракдан ишонаман, сабаби у ҳаммасига қодир, яхши жанг қила олади, қўл ва оёқда яхши зарба бера олади. Мен уни янги авлод вакили деб айта оламан.

Ўйлашимча, мен 2015-2021 йиллар давомида энг зўри эдим ва шу вақт ичида мен ҳар кимни мағлуб этишим мумкин эди.  2020 йилдан бошлаб, 2024 ёки 2025 йилгача Ислам енгил вазнда тенгсиз бўлиши мумкин, агар ўз устида фаол ишласа, жароҳатлар унга ҳалақит бермаса. Мен бунга ишонаман", - деди Нурмагомедов.

Эслатиб ўтамиз, Махачев навбатдаги жангини 26 февраль санасида, UFC Fight Night турнири доирасида Бенеил Дариушга қарши ўтказади.