19 июн 09:54
Янгиликлар

Бокс/ММА

Хабиб коронавирус билан курашётган отасининг ҳолати ҳақида хабар берди

Хабарингиз бор, деярли икки ойдан бери UFC чемпиони Хабиб Нурмагомедовнинг отаси Абдулманап Нурмагомедов коронавирусга қарши курашяпти.

Хабибнинг мураббийи Хавьер Мендес шогирдининг маълумотларига таянган ҳолда катта Нурмагомедовнинг ҳозирги ҳолати ҳақида хабар берди.

"Хабиб билан бу мавзуда гаплашдим. У отасининг соғлиғи ижобий томонга ўзгараётганини айтди. Қувонарлиси, Абдулманап коронавирусни енгиб ўтган. Энди шифокорлар унинг юраги билан боғлиқ касаллик билан курашишяпти. Абдулманап бир неча йил олдин юрагидан операция қилинганди. Буюк мураббийнинг тезроқ сафимизга қайтишидан умидвормиз", — деди Мендес Хабибнинг сўзларидан иқтибос келтириб.

Эслатиб ўтамиз, Россияда хизмат кўрсатган мураббий 25 апрель куни Доғистондаги касалхонага олиб келинганди. Соғлиғи ёмонлашгач, 3 май куни махсус рейс билан Москвага етказилганди.