Хабиб машғулот ўтказаётган АKА зали ёпилиши мумкин

Бунга Калифорния штати мэрининг чиқарган қарори сабаб бўлмоқда. Хабиб шуғулланаётган AKA зали Сан-Хосе шаҳрида жойлашган. Бу шаҳар Калифорния штатининг Санта-Клара округига қарашли. Санта-Клара мэрияси 100 киши тўпланадиган барча турдаги тадбирлар, хусусан хусусий спорт залларини ёпиш бўйича қарор чиқарган.

Баёнотда айтилишича, 35 кишидан 100 кишигача қатнашадиган ҳар қандай тадбир учун алоҳида талаблар бор. Бунинг учун инфекцион хавфсизликни таъминлашга кафолат беришлари шарт. Ушбу тақиқ 15 мартдан кучга кирди ва камида уч ҳафта давом этади. 

Маълумот учун, Санта-Клара округида COVID-19 вируси билан боғлиқ 79 та ҳолат аниқланган. Калифорния штатининг ўзида эса бу кўрсаткич 335 ни ташкил қилмоқда. Бугун Калифорниянинг энг катта шаҳри - Лос-Анжелесда мэр буйруғи билан катта-кичик ҳар қандай тадбирлар, спорт залларининг фаолияти тўхтатилди. Бу тақиқ ой охиригача амалда бўлади.