03 июл 09:49
Янгиликлар

Бокс/ММА

Хабиб Нурмагомедов Bellator президенти билан учрашди + ФОТО

Енгил вазнда собиқ UFC чемпиони Хабиб Нурмагомедов Bellator промоушени президенти Скотт Кокер билан учрашди.

Кокернинг ўзи Твиттер саҳифасига Нурмагомедов, унинг менежи Али Абдел-Азиз ҳамда мураббийи Хавьер Мендес билан бирга тушган суратини жойлаган ва сурат остида изоҳ ҳам қолдирган.

"Хабиб Нурмагомедов, Абдел-Азиз ва Мендес билан учрашувимиз ажойиб тарзда ўтди", — дейди Кокер.

Маълумот учун, Bellator лигасида Хабибнинг жияни Усман Нурмагомедов иштирок этади. У ушбу промоушенда битта жанг ўтказган ва очколар ҳисобидаги ғалабасини тантана қилган.