Хабиб Нурмагомедов Фергюсонга: Сен қариб қолдинг, мен шундан ҳавотирдаман!

Бугун тонгда оқшомнинг марказий жанг иштирокчилари матбуот анжумани ҳамда кўз уриштириш маросимида илк бор рўбарў келишди. Енгил вазнда UFC чемпиони Хабиб Нурмагомедов ҳамда даъвогар Тони Фергюсон журналистларни қизиқтирган саволларга жавоб беришди. 

"18 апрель енгил вазн учун UFC тарихидаги муҳим кун бўлиб қолади. Шу куни енгил вазн тоифасида UFC тарихидаги дунёнинг энг кучли енгил вазн жангчиси аниқланади. Мен ўзимга ишонаман. Мени фақат бир нарса ҳавотирга соляпти. У ҳам бўлса Тонининг ёши. У ўттиз етти ёшга қараб кетяпти. Одамларнинг ёши катта жангчини мағлуб этди, деган маломатларидан ҳавотир оляпман", - деди Нурмагомедов.