19 ноя 07:33
Янгиликлар
Бокс/ММА
Хабиб Нурмагомедов: "Исламнинг Оқ уйда жанг қилишини истамайман"
Енгил вазн тоифасида собиқ UFC чемпиони Хабиб Нурмагомедов шогирди Ислам Махачевнинг АҚШ Оқ уйидаги турнир иштирокчисига айланишини хоҳламаяпти.
"Очиғини айтганда, энди ким рақиб бўлишининг аҳамияти ҳам йўқ. Агар у ерда Исламни кўрсак, бу биз учун катта воқеа бўлади. Мабодо шахсан мендан сўралса, у ерда унинг уришишини истамасдим. Нима учун? Шунчаки хоҳламайман", - деди Нурмагомедов журналист Адам Зубайраев билан суҳбатда.
Эслатиб ўтамиз, Махачевнинг ўзи ярим ўрта вазн тоифасидаги чемпионлик жангида Жек Делла Маддаленани мағлуб этганидан кейин 2026 йил июнь ойида Вашингтонда бўлиб ўтадиган UFC турнирида иштирок этиш истагини билдирган эди.
UFC раҳбари Дана Уайтнинг сўзларига кўра, Оқ уйдаги турнир иштирокчилари таркиби келаси йилнинг март ойида шакллантирилади.
Ҳавола :
Манба : allboxing
Фикрлар