Хабиб Нурмагомедов: "Жамоамизда сўз эркинлиги йўқ"

Бу ҳақда Дубайда бўлиб ўтган жаҳон спорт саммитида чиқиш қилган енгил вазн тоифасида собиқ UFC чемпиони, Шон-шараф зали аъзоси Хабиб Нурмагомедов маълум қилди.

"Биз залга келиб, машғулотларни бошлаганимизда, ҳамма буни билади - ҳеч қандай сўз эркинлиги йўқ. Ҳа, худди шундай, жамоамизда сўз эркинлиги йўқ. Бизда кичиклар доим ноҳақ бўлади ва каттага қулоқ солади. Агар мен мураббий бўлсам, ҳамма айтганимни қилади. Ёки шундай, ёки ҳеч қандай - 50 га 50. Мен уларни яхшигина рағбатлантиришга ҳаракат қиламан. Деярли ҳар бир ташкилотда кўрсатаётган натижаларимизга қарайдиган бўлсак, бизда ҳозир чемпионлар ва дунёнинг энг яхши жангчилари бор. Биз энг яхши жамоамиз ва мен жуда бахтлиман. Бу мен ўз ишимни яхши бажараётганимни англатади", - деди Нурмагомедов.

Хабиб Нурмагомедовнинг навбатдаги мураббийлик синови 24 январь куни Лас-Вегасда бўлиб ўтадиган UFC 324 турнирида унинг қариндоши ва шогирди Умар Нурмагомедов бразилиялик Дэйвесон Фигередога қарши октагонга чиқади. 7 февраль куни Дубайда бўлиб ўтадиган PFL турнирида эса Усман Нурмагомедов британиялик Алфи Дэвисга қарши енгил вазнда чемпионлик камарини ҳимоя қилади.