Хабиб Нурмагомедов: Кузда камар ҳимояси учун қайтаман

"Машғулотлар ҳар куни икки маҳалдан ўтказиляпти. Масалан, бугун эрталаб соат 7 да машғулот ўтказдим. Ҳозир соат 21 ва мен кечки машғулотдаман. Отам менинг ҳамиша яхши формада бўлишимни истаган. Аниқ биламанки, уни деб машғулотларни қолдирсам, мендан яхшигина хафа бўлади. Бунга юз фоиз ишончим комил. 

Шу сабабдан ҳам отамни кўргани борганимда, унга машғулотдан келяпман, деб айтяпман. Бу гапларни эшитган отамнинг юзида кулгу пайдо бўляпти. Машғулотдан стрессдан халос бўлишимга ёрдам бермоқда. 

Нимага тайёргарлик кўряпман? Мен бутун умр шуғулланиб келганман. Отам айтганидек, тайёрланган отга ҳамиша мусобақа топилган. Ўйлайманки, кузда қайтаман ва чемпионлик камаримни ҳимоя қиламан", — деди Нурмагомедов. 

Эслатиб ўтамиз, Хабиб Нурмагомедов режа бўйича сентябрь ойида расмий даъвогар, америкалик Жастин Гэтжидан чемпионлик камарини ҳимоя қилиши керак.