Хабиб Нурмагомедов отасининг ҳолати ҳақида батафсил маълумот берди

"Отамнинг аҳволи ҳамон оғирлигича қолмоқда. У ҳали ҳам жонлантириш (реанимация) бўлимида бўлиб турибди. Ҳа, отам коронавирусни енгиб ўтди, лекин вирус ўзидан ёмон асоратлар қолдирди. Коронавирус буйрак ва юракка тўғридан-тўғри зарба берган. 

Мен ҳар куни эрталаб уни кўриш учун боряпман. Шифокорлар ярим соатга рухсат беришган. Муҳими, отам мени танияпти. Сунъий нафас олиш мосламасига улаб қўйилгани боис, унинг ёнида кўп қололмайман. Ота, мени танияпсизми, деб сўрасам, кўзлари билан тасдиқлаяпти. 

Ишончим комил, дунёнинг энг яхши шифокорлари отамни ҳаётга қайтариш учун кураш олиб боришяпти. Бунинг учун уларга чексиз миннатдорчилик изҳор қиламан. Фақат ҳозир вақт керак. Вирус қолдирган асоратлар жуда оғир. Реабилитация узоқ вақт давом этади", — деди Хабиб Нурмагомедов Биринчи каналга берган интервьюсида.