Хабиб Нурмагомедов: "Усман Топуриядан кучлироқ"

Усман Нурмагомедовнинг фикрича, UFC чемпионлик камари соҳиби Илия Топурия дунёнинг энг яхши енгил вазн тоифасидаги жангчиси эмас. Бу фикрга унинг қариндоши ва мураббийи Хабиб Нурмагомедов ҳам қўшилди.

"Ким кучли эканини аниқлаш учун улар ўзаро жанг ўтказишлари керак. Одамлар исталган нарсани айтишлари мумкин - Илия ёки Усмонни энг яхшиси деб. Шахсий фикрим, агар уларни кўп қиррали жангчилар сифатида таққосласак, менимча, Усмон яхшироқ", - деди катта Нурмагомедов.

Маълумот учун, 27 ёшли Усман Нурмагомедов 3 октябрь куни PFL Лигасининг Дубайдаги турнири асосий жангида ирландиялик Пол Хьюзга қарши реванш жангида енгил вазн тоифасидаги чемпионлик камарини ҳимоя қилади.

Июнь ойида енгил вазнда вакант қолган UFC чемпионлик камарини қўлга киритган 28 ёшли Илия Топурия эса яқинда берган интервьюсида ўзининг навбатдаги жанги бўйича музокаралар давом этаётгани, аммо катта эҳтимол билан 2026 йилгача октагонга қайтмаслигини айтган эди.