Хабиб омад тилаган Валиев UFCдаги дебют жангини ўтказди

Оқшомнинг қизиқарли жангларидан бирида россиялик Тимур Валиев UFC промоушенидаги дебют жангини гуамлик Тревин Жонсга қарши ўтказди ва кутилмаганда техник нокаут билан мағлубиятга учради. Биринчи раундни юқори темпда ўтказган Тимур иккинчи беш дақиқаликда юз қисмига аниқ ва кучли зарба ўтказиб юборди ва бунинг натижасида рефери жангни тўхтатишга мажбур бўлди.     

Эътиборлиси, Жонс бу жангда иштирок этишини икки кун аввал билган эди. У коронавирус аниқланган Марк Штриглнинг ўрнини эгаллаганди. Бу Валиевнинг ММАдаги учинчи, UFCдаги биринчи мағлубияти бўлди. Ўн олтита жангда ғалаба қозонган. 30 ёшли Жонс учун ҳам бу UFC ташкилотидаги биринчи жанг эди. Унинг ММАдаги натижаси 13 ғалаба ва 6 мағлубият. 

Эслатиб ўтамиз, кеча жанг олдидан енгил вазнда UFC чемпиони Хабиб Нурмагомедов ватандошига дебют жангда омад тилаган эди.