Хабиб: Рамазондан сўнг бир ярим ойда тикланаман

“Рамазон ойида кичик танаффус оламан, лекин машғулотларни давом эттираман. Бу вақтни кўпроқ оилам ва ота-онам билан ўтказмоқчиман. Бу вақт оралиғида мачитга бораман, рўза тутаман. Шунингдек, параллель равишда машғулотларни олиб бораман. 

Кун давомида туз тотмасдан туриб машғулот олиб бориш хавфлироқ бўлади, бу вақт давомида жароҳат орттириб олишинг ҳам мумкин. Шу сабабли машғулотларни камайтирамиз ва спаринг жангларига тушмаймиз.

 Рамазондан сўнг қайта тикланишим учун камида 45 кун керак бўлади. Чунки, Рамазон ойида овқатланиш тартибимиз бутунлай ўзгаради. Шу сабабли бизга бир ярим ой қайта тикланишимизга керак бўлади”,-деди Нурмагомедов.

Эслатиб ўтамиз, Хабиб навбатдаги жангини Тони Фергусонга қарши ўтказади. Жанг 18 апрель куни Бруклинда бўлиб ўтади.