Хабиб: UFC жанг манзилини айтсин, мен етиб бораман!

UFC чемпиони кеча оқшом Инстаграм каналида жонли эфирга чиқди ва ўқувчилари саволларига жавоб берди. 

"Машғулотларни тўхтатганим йўқ. Ҳар куни шуғулланяпман. Эрталаб ва кечқурун уйимдаги залда машғулот ўтказяпман. Ҳозир мен UFCнинг энг катта, мағлубиятга учрамаган, муҳокама қилинмайдиган юлдузиман. Жангга 16 кун қолди. Лекин мен ҳалиям унинг ўтказилиш манзилини билмайман. Бу нопрофессионал ёндашув. 

Бир неча кун олдин Тони Фергюсоннинг ўзи ҳам жанг манзилини эълон қилишмаса, жанг шартномасига имзо чекмаслигини айтганди. Ҳа, у шундай деди. Аммо, бунга ҳеч ким эътибор бермади. Мен жанг қаерда бўлишини олдинроқ билишим шарт. Чунки, ўша жойга учиб бориш, иқлимига мослашиш керак.

Яхши, UFC ҳозир жанг манзилини айтсин, мен йўлини қилиб Россиядан чиқиб кетаман. Бунга юз фоиз кафолат бераман. Мен ҳар куни бу ҳақида Дана Уайтга айтардим. Лекин савол ва мурожаатларим жавобсиз қоларди", - деди Нурмагомедов.