Хабиб Умар Нурмагомедов учун мажбурий жангларни санаб ўтди

"Мураббий сифатида Умар фаолиятини якунлагунига қадар Мераб Двалишвили ва Пётр Ян билан жанг қилишини истардим. Улар ушбу дивизионнинг энг юқори поғонасида бўлган икки жангчи. Мен чиндан ҳам Умар уларнинг ҳар иккиси ҳамда Шон О`Мэлли билан жанг қилишини хоҳлайман", - деди Нурмагомедов.

Ўтган ойда Марио Баутистани мағлуб этган Умар Нурмагомедов 6 декабрь куни Лас-Вегасда бўлиб ўтадиган UFC 323 турнирининг асосий тўқнашуви ҳисобланган Мераб Двалишвили ва Петр Ян ўртасидаги ўта енгил вазн тоифасидаги чемпионлик жанги ғолибига қарши октагонга чиқишига умид қилмоқда. Аммо Умар ҳар қандай ҳолатда ҳам Лига унга таклиф қиладиган исталган рақиб билан жанг қилишга тайёрлигини ҳам айтмоқда.

"Умар шундай деди: "Агар улар менга титул имкониятини беришса - мен жанг қиламан. Бўлмаса, хоҳлаганингизни беринг. Менга унинг ишончи ёқади. У чемпионлик йўлида ва уни тўхтатиш жуда қийин бўлади", - дея қўшимча қилди Хабиб.