03 сен 08:56
Янгиликлар

Бокс/ММА

Хабибнинг Сен-Пьерга қарши жангдаги гонорари қанча бўлиши маълум

Енгил вазнда UFC чемпиони Хабиб Нурмагомедов фаолиятидаги сўнгги 30-жангини катта эҳтимол билан Жорж Сен-Пьерга қарши ўтказади.

Канадалик машҳур жангчи икки вазнда собиқ UFC чемпиони ҳисобланади. Аввалроқ, Хабибнинг фаолиятини 30:0 кўринишида, яъни биронта дуранг ёки мағлубиятсиз якунлаш истагида экани айтилганди. Нурмагомедовнинг менежери Али Абдел-Азиз мижозининг айнан 30-жанги учун гонорарини маълум қилди.

"Жорж — менинг дўстим. Айнан у Хабибнинг сўнгги рақиби бўлади. Пьер учун ҳам бу сўнгги жангга айланади. Ушбу жанг учун Хабибнинг гонорари камида 20 миллион доллар бўлади. Лекин Нурмагомедов ҳеч қачон пулни биринчи ўринга қўймаган", — деди Абдел-Азиз.

Эслатиб ўтамиз, UFC президенти Дэна Уайт ҳам Хабиб Нурмагомедовнинг Сен-Пьерга қарши жанг билан фаолиятини якунлашини айтган эди. Канадалик жангчи 2019 йилнинг февралида фаолиятини тугатганди.