Халеп дисквалификациядан кейин илк расмий учрашувида кортга чиқди

Дунёнинг собиқ биринчи ракеткаси Симона Халеп узоқ четлатилишдан сўнг ниҳоят кортга қайди. Руминиялик теннис маликаси асосий тўрга имтиёзли йўлланма асосида қўйилганди. У илк даврада WTA рейтингида 80-ўринни эгаллаб турган испаниялик Паула Бадосага қарши баҳс олиб борди. 

Роппа-роса икки соат давом этган учрашувда Халеп рақибасига 6/1, 4/6, 3/6 ҳисобида имкониятни бой бериб қўйди. Бадоса ўзаро учрашувларда илк бор номдор рақибасини енгди - 1:2. Иккала теннис маликаси ҳам 5 тадан эйс ҳамда 4 тадан брейкни амалга оширган. Қўшхатолар Симонада кўпроқ бўлди - 10 га 6. Энди Бадоса иккинчи босқичда беларуслик Арина Соболенкога қарши кортга чиқади.