Халқаро мусобақада ғолиб бўлган сурхон боксчиси муносиб кутиб олинди

Меҳнат Қаҳрамони Фармон Қурбон ўғли Салмонов хотирасига бағишланган мазкур "Нефт қазиб чиқарувчи мамлакатлар кубоги" турнирида 23 мамлакатдан ташриф буюрган ринг усталари иштирок этишди.

Беллашувларда иштирок этган чарм қўлқоп усталаримиз мусобақа якунига кўра, 2 та олтин, 2 та кумуш ҳамда 2 та бронза медалларини қўлга киритишди ва умумжамоа ҳисобида иккинчи ўринни эгаллашди.

Эътиборлиси, ушбу нуфузли мусобақада 57 кг вазн тоифасида иштирок этган Термиз ихтисослаштирилган олимпия заҳиралари мактаб интернати битирувчиси Каттакулов Фазлиддин Зафар ўғли барча рақибларини енгган ҳолда олтин медалини қўлга киритди.

17 декабрь куни чемпион боксчимиз Термиз ИОЗМИ жамоаси ва ўқувчилари томонидан Сурхондарёда катта хурсандчилик билан кутиб олинди.

Эслатиб ўтамиз, турнирда қуйидаги боксчиларимиз совриндор бўлишди:

-57 кг: Фазлиддин Каттақулов (олтин)

+91 кг: Лазизбек Муллажонов (олтин)

-75 кг: Абу Нуранов (кумуш)

-91 кг: Жамшид Абдуллаев (кумуш)

-63 кг: Алиёр Норалиев (бронза)

-81 кг: Шоҳрух Рустамов (бронза).