27 май 10:53
Янгиликлар

Триатлон, Паралимпия

Халқаро триатлон иттифоқи билан ҳамкорлик масалалари муҳокама қилинди

Хабарингиз бор, 24-25 май кунлари Самарқанд шаҳрида триатлон ва пара-триатлон бўйича Жаҳон кубоги босқичи бўлиб ўтди.

Спорт вазирлиги, Миллий Олимпия ва Паралимпия қўмиталари раҳбарияти Халқаро триатлон иттифоқи Президенти Антонио Аримани билан учрашди.

Республика Олимпия ва Паралимпия шон-шуҳрати музейида ўтган тадбирда вазир Адҳам Икрамов, МОҚ раисининг биринчи ўринбосари Отабек Умаров ва МПҚ раиси Мухторхон Ташходжаев жаноб Ариманига мана шундай йирик мусобақаларни юртимизда ўтказишга ишонч билдираётгани учун миннатдорлик билдиришди.

Ўз навбатида, халқаро ташкилот раҳбари Самарқанд доимо масъулиятли мусобақаларни юқори савияда ўтказиб келиши, ўзбекистонлик триатлончиларнинг савияси ортиб бораётганига тўхталиб ўтди.

Самимий руҳда ўтган суҳбат давомида ўзаро ҳамкорликнинг янги қирраларини муҳокама қилинди.