08 сен 08:26
Янгиликлар

Футбол

Хамес Родригес “Эвертон”га ўтди

“Эвертон” клуби расмий сайти Мадриднинг “Реал” клуби ярим ҳимоячиси Хамес Родригеснинг трансферини эълон қилди.

Колумбиялик футболчи инглиз клуби билан 2+1 кўринишида шартнома имзолади. ОАВ хабарларига кўра, “Эвертон” ушбу трансфер учун 20 миллион фунт стерлинг (тахминан 22 миллион евро) сарфлаган.

“Мен ҳақиқатан ҳам бой тарихга эга ажойиб жамоада эканлигимдан бахтлиман. Қолаверса, жамоани менга яхши таниш бўлган тажрибали мураббий бошқаради. Мен жамоам билан катта ютуқларни қўлга киритишга чанқоқман. Айнан шу мақсадда ушбу клубни танладим”, - деди Хамес.