Хамзат Чимаев Царукян, Евлоев ва Яннинг жанглари бўйича ўз тахминини айтди

"Борз"нинг фикрича, Царукян 19 сентябрь куни Лос-Анжелесда бўлиб ўтадиган UFC 331 турнирида бразилиялик Маурисио Руффи билан бўладиган жангда ҳеч қандай муаммога дуч келмайди.

"Руффи – топ даражадаги жангчи, яхши рақиб, UFC`даги энг яхши зарбачилардан бири. Ўйлайманки, агар Арман ҳам тик (стойка) ҳолатда, ҳам партерда ишласа, унда умуман муаммо бўлмайди. Арман ва Руффининг кураш ҳамда грепплинг даражаси мутлақо турлича. Стойкада Руффи жуда яхши, лекин Арман ҳам стойкада ёмон эмас. Арман ўзини стойкада жуда яхши ҳис қилади", – деди россиялик жангчи Адам Зубараевга берган интервьюсида.

Шунингдек, Чимаев 24 октябр куни Абу-Дабида бўлиб ўтадиган UFC 333 турнирида унинг ватандоши Мовсар Евлоев ярим енгил вазн тоифасида австралиялик Александр Волкановскидан чемпионлик камарини тортиб олишига ишончи комил.

"Ростини айтсам, Волкановский осон рақиб эмас, кучли ва тажрибали. Кўплаб беш раундлик жанглар ўтказган. Лекин менимча, ҳозир Мовсарнинг вақти келди, чунки у айни чўққида, оч ва бу лаҳзани узоқ кутди. Мен биринчи марта камар учун жанг қилганда қандай ҳис бўлишини биламан – бу бошқача мотивация ва тарих яратиш имконияти. Доғистонда UFC чемпионлари бўлган, Чеченистонда ҳам, энди эса Ингушетияга ҳам навбат келди. Ҳаммаси қандай бўлишини билмайман, лекин Мовсар уни муддатидан олдин мағлуб этишига умид қиламан. Титулгача муддатидан олдин ғалабаларсиз етиб бориш яхши, лекин камар учун бўладиган жангни муддатидан олдин якунлаш керак", – дея қўшимча қилди UFC собиқ чемпиони.

Петр Ян ва Мераб Двалишвили ўртасидаги трилогиянинг якуний жанги ҳақида гап кетганда, унда россиялик жангчи енгил вазн тоифасидаги UFC чемпионлик камарини ҳимоя қилади. Чимаев Абу-Дабидаги рақамли турнирнинг иккинчи асосий воқеаси мақомига эга бўлган ушбу қарама-қаршилик ғолибини аниқ айта олмади.

"Ҳозир ҳисоб 1:1 ва бу жанг масалани ҳал қилади. Ростини айтсам, бу вазнни унчалик кузатмайман. Бунгача уларнинг жангларини тўлиқ кўрмаганман, фақат парчаларни кўрганман, лекин услуб жиҳатидан Пётрнинг қандай жанг қилиши менга ёқади. Мераб чидамли йигит, характерли, Пётр эса чаққон, тез – чиройли жанг қилади, ҳаммаси аниқ. Лекин билмайман – ғолибни айтишга қийналаман", - дея сўзига якун ясади Чимаев.