Хамзат Чимаев Стриклендга: "Кечирим сўра!"

"Бу қўрқоқ яна вақиллашни бошлади. Мени яна кўрганингда – кечирим сўра! Бу қўлингдан яхши келади. Ва энг муҳими – кейинги сафар қиз боладек йиғлама. Бу қиз жуда кўп йиғлади. Унга раҳмим келди, шунинг учун камаримни бердим – худди йигит киши ўз қизига кийимларини ювишга рухсат бергандек", – деб ёзди "Борз" ижтимоий тармоқдаги саҳифасида.

Жорий йилнинг май ойида Хамзат Чимаев ўрта вазн тоифасидаги чемпионлик камарини биринчи марта ҳимоя қилган ва унда Шон Стриклендга ҳакамларнинг айри қарори билан мағлуб бўлиб, титулни бой берган эди.

Америкалик чемпион жангдан сўнг елкасидаги жароҳатни даволаши кераклиги сабабли октагонга шу йилнинг декабрь ойидан олдин қайтмаслигини маълум қилди. БАА шарафини ҳимоя қилаётган Хамзат эса июнь ойида профессионал кураш лигаси RAF`да муваффақиятли дебют қилиб, биринчи даврада Диллон Денисни муддатидан аввал туше усулида мағлуб этди. 5 сентябрь куни Чимаев Москвада бўлиб ўтадиган RAF турнирининг марказий беллашувида иштирок этади, унга UFC`нинг ярим ўрта вазн тоифасидаги собиқ чемпиони Тайрон Вудли рақиблик қилади.