Хамзат Чимаев яқинда Тошкентга келиб кетган Рамзан Кадировнинг ўғли билан машғулот ўтказди + ФОТО

Унда чеченистонлик аралаш яккакураш устаси Чеченистон раҳбари Рамзан Кадировнинг ўғли Адам билан бирга машғулот ўтказганини кўриш мумкин. Адам ҳам аралаш яккакураш билан шуғулланиб келади.

Аввалроқ хабар берганимиздек, Хамзат Париж-2024 Олимпиадаси чемпиони, эркин курашчимиз Разамбек Жамалов билан ҳам биргаликда машғулот ўтказган эди. Айни пайтда Чимаев ўрта вазн тоифаси рейтингида 12-ўринни эгаллаб турибди. 

Хамзат Чимаев навбатдаги жангини 26 октябрь куни австралиялик Роберт Уиттакерга қарши ўтказади. Ушбу турнир БАА пойтахти Абу-Даби шаҳридаги UFC 308 турнири доирасида бўлиб ўтади. Аслида Чимаев - Уиттакер жанги 22 июнь куни Саудиядаги UFC турнири доирасида ўтказилиши керак эди. Лекин Хамзатнинг соғлиғи сабаб жанг кечроқ муддатга қолдирилганди.