13 июн 12:58
Янгиликлар

Теннис

Хертогенбос (ATP). Раонич икки йиллик танаффусдан сўнг қайтди

Нидерландиянинг Хертогенбос шаҳрида теннис бўйича чим қопламали ATP турнири бўлиб ўтмоқда.

Икки йиллик танаффусдан сўнг фаолиятини қайта тиклаган ва айни пайтда рейтинги бўлмаган Милош Раонич ушбу мусобақада муваффақиятли старт олди. Канадалик теннисчи илк даврада ATP рейтингида 39-поғонадан жой олган сербиялик Миомир Кечмановичдан устун келди - 6/3, 6/4.

Теннисчиларнинг ўзаро учрашувларида Раонич олдинда бормоқда - 3:1. Бир соату 25 дақиқа давом этган баҳсда Раонич 14, Кечманович 4 та эйс зарбасини амалга оширган. Энди 32 ёшли Милош иккинчи даврада австралиялик Жордан Томпсон ҳамда франциялик Жованни Мпеши-Перрикар учрашуви ғолибига қарши кортга чиқади.